«Мектеп басшыларының кадрлық резерві: әлеуеті және даму стратегиялары» бағдарламасы қатысушылары Ақтөбе қаласындағы Назарбаев Зияткерлік мектебінде тағылымдамадан өтуде.
Болашақ директорларға арналған кесте білім беру мекемелерін тиімді басқару үшін негізгі дағдылар мен білімді дамытуға бағытталған кешенді және жүйелі тағылымдама бағдарламасы болып табылады
Жоба жоспарына әдістемелік дәрістерге қатысу, мектеп сарапшыларымен аттестаттау және зерттеулерге жетекшілік ету мәселелерін талқылау, сабақтарды бақылау, Кері байланыс алу, пікірталас әдістемелік жұмысына қатысу, сондай-ақ оқушылардың дамуын бақылау және білім беру ортасында психологиялық қауіпсіздікті қамтамасыз ету кіреді.
Топ-менеджерлерге арналған кесте білім беру ұйымының әрбір басшысы үшін ең маңызды өзекті сұрақтарды қамтиды: мектеп миссиясы мен стратегиялық бағыты қалай анықталады және жасақталады? Мектептің бүгінгі ахуалы туралы сараптама қалай жасалады және мұғалімдерді ішкі аттестациядан өткізу қалай жүргізіледі? Мұғалімге кері байланыс қалай беріледі және әдістемелік бірлестіктердің жұмысы қалай құрылымдалады? Сабақта тәрбиелік аспект қалай жүзеге асады және мұғалімдердің педагогикалық-психологиялық құзыреттілігі қалай дамиды? ⠀
Бес күн бойы Ақтөбедегі NIS-тің әкімшілік құрамы озық тәжірибелерін ұсынып, табысты стратегияларымен таныстырды.
Айта кетейік, Педагогикалық шеберлік орталығы жүзеге асырып жатқан мектеп басшыларының кадрлық резервін дайындау бойынша бірнеше деңгейлі мемлекеттік бағдарлама аясында қазір 200-ден астам болашақ топ-менеджерлер оқуда.
Пользователи сегодня : 164
Пользователей за неделю : 1924
Пользователей в месяц : 164
Всего пользователей : 78924