MUN КОНФЕРЕНЦИЯСЫ: ОРАЛ NIS ОҚУШЫЛАРЫ – ЖЕҢІС ТӨРІНДЕ

Орал қаласы NIS-тің 11 және 10-сынып оқушылары Ақтөбе қаласындағы Назарбаев Зияткерлік мектебінде өткен «Біріккен Ұлттар Ұйымының Моделі» (MUN) аймақтық конференциясында жоғары нәтиже көрсетті.

Бұл шара жаһандық құзыреттілікті дамыту мақсатында ұйымдастырылып, оған ағылшын тілін жоғары деңгейде меңгерген және ұсынылған тақырыптарға ерекше қызығушылық танытқан оқушылар қатысты.

Оралдан келген 19 зияткер әр аймақтан жиналған 163 замандасымен бірге жаһандық мәселелерді талқылап, өз идеяларын ортаға салды. Олар тақырыптарды терең зерттеп, тың пікірлерімен бөлісті.

Конференция қорытындысы бойынша, оралдық зияткерлер 28 номинацияның 8-іне ие болды. Жеңімпаздар қатарынан табылған оқушыларымыз:

«BEST DELEGATE» – Надир Мажит

«BEST DELEGATE» – Айдана Төлегенова

«HONORABLE MENTION» – Амина Жуманалеева

«HONORABLE MENTION» – Адия Агедилова

«HONORABLE MENTION» – Алдияр Боранбай

«BEST OPENING SPEECH» – Тамерлан Шынболат

«BEST OPENING SPEECH» – Әсер Умаргали

«BEST POSITION PAPER» – Расул Зинолла

Сонымен қатар, оқушыларымыз Арыстан Умаров және Алтынбек Мәди аталмыш конференцияда модераторлық қызмет атқарып, өз міндеттерін абыройлы алып шықты. Жарайсыңдар!

Жетекшілері: Рахым А.Б., Акдонова В.Р., Абилова А.Г., Кунакбаева М.Ж.