Көшбасшылар форумы: шабыт, тың идеялар, жаңа бастамалар

Назарбаев Зияткерлік мектептерінде оқушылардың өзін-өзі басқару ұйымы көшбасшыларының дәстүрлі форумы өтті. Биыл бұл маңызды шара Қызылорда қаласындағы NIS-те ұйымдастырылды. Шараға Ақтөбедегі Назарбаев Зияткерлік мектебінің атынан өзін-өзі басқару ұйымының президенті Достан Жанарыс пен вице-президент Аян Дускалиев қатысты.

Шара барысында жас көшбасшылар төл жобаларын таныстырып, оқушыларды ынталандыру, волонтерлік қызмет, әлеуметтік жауапкершілік және мектепте жайлы орта қалыптастыру бойынша пікірлері мен идеяларын ортаға салды.

Бұдан бөлек оқушылар үшін түрлі ситуациялық кейстерді талқылау алаңы ұйымдастырылып, күрделі мәселелердің тиімді шешімдері қарастырылды.

Көшбасшылар форумы мектептегі өзін-өзі басқару жүйесінде жаңа жетістіктер мен табыстарға жету үшін ынтымақтастық, қолдау және тәжірибе алмасудың аса маңызды екенін көрсетті.