NIS мұғалімдері облыстың білім ордаларында

Назарбаев Зияткерлік мектебінің мұғалімдері Ақтөбе облысындағы бірқатар білім ордаларында ақпараттық-түсіндірме жұмыстарын жүргізді.

Атап айтқанда, NIS мұғалімдері Байғанин, Мәртөк, Ойыл, Шалқар аудандары мен Алға, Қандыағаш, Хромтау қалаларындағы 30-дан астам мектепте болды.

Іс-сапар барысында оқушылар мен ата-аналарға Назарбаев Зияткерлік мектебінің оқу бағдарламасының ерекшеліктері мен артықшылықтары таныстырылды. Сонымен қатар НЗМ ұстаздары мектептің виртуалды және каникулярлық бағдарламалары, байқау тесті туралы ақпарат беріп, 6-сынып оқушыларын сынаққа қатысуға шақырды.

Мұғалімдер оқушыларға Назарбаев Зияткерлік мектебіне оқуға түсу үшін өткізілетін конкурстық іріктеу шарттарын түсіндіріп, флаерлер мен хабарландыру парақшаларын таратты.