Игорь Шацкиймен кездесу өтті.

2024 жылдың 12 желтоқсанында Қарағанды қаласындағы Назарбаев Интеллектуалды мектебінде «Ақылды бейсенбі» жобасы аясында 7-12 сынып оқушыларымен Қазақстан футболының аңызы, «Шахтер» футбол клубының қақпашысы және Қазақстан ұлттық құрамасының мүшесі Игорь Шацкиймен кездесу өтті. Бұл шара дене шынықтыру пәні мұғалімдері мен мектеп министрлігі тарапынан ұйымдастырылды. Құрметті қонақ балаларға кәсіби футболдағы қалыптасуы, мансабындағы ең қиын әрі маңызды матчтар, Қазақстан футболының дамуы туралы әңгімелеп берді. Сонымен қатар, Игорь Валерьевич NIS CHAMPIONS LEAGUE футзал сайысының жеңімпаздары мен жүлдегерлерін марапаттау рәсіміне қатысты. Мектептің құрметті қонағы жүлдегерлерге кубоктар мен грамоталар табыстады. 4 номинация бойынша жеңіске жеткен ойыншыларға грамоталар мен құнды сыйлықтар берілді. Мектеп оқушылары танымал спортшымен әңгімелесіп, зор көңіл-күй мен жағымды әсер алды.