🌱7 сынып оқушыларын «Зияткерлікке қабылдау» рәсімі өтті

Оқу ордамызда 7-сынып оқушыларын «Жас зияткерлер» қатарына қабылдау салтанаты өтті. Шара мектеп вальсімен басталып, мерекелік бағдарламаға ұласты.

Бағдарламада әр сынып өз өнерлерін көрсетіп, шығармашылық қойылымдар ұсынды. Оқушылар шараға үлкен дайындықпен келіп, сценарийлер жазып, өз сыныптарын таныстырды.

Шараның негізгі бөлігі – оқушылардың мектеп дәстүріне адалдық антын беру сәті болды. Мектеп президенті Арна Рахимбергенова жетекшілігімен 7-сынып оқушылары ант беріп, өздерінің білімге құштар, ұйымшыл болуға және мектеп дәстүрін жалғастыруға дайын екендіктерін білдірді.

Айта кетейік, шараға басты қонақ ретінде 7 сынып оқушыларының ата-аналары қатысты. Мерекелік бағдарлама соңында жас зияткерлерді құттықтаған мектеп директоры Асель Бейсембинова жаңа оқу жылында оқушыларға сәттілік тіледі.

Салтанатты шара Назарбаев Зияткерлік мектептерінің ресми әнұранымен аяқталды. Жас зияткерлер мектеп ұжымының толыққанды мүшесі ретінде өздерінің алдағы жетістіктерімен Зияткерлік мектептің даңқын арттыра беретініне сенім білдіреміз.