🌱Шаңырақтар арасындағы «Starbooks» тәтті кітаптар фестивалі

Зияткерлік оқу ордамызда 8 сынып Шаңырақтары арасында «Starbooks» тәтті кітаптар сайысы өтті. Мектеп қабырғасында жыл сайын өткізілетін бұл шара «100 кітап» жобасы аясында ұйымдастырылды. Дәстүрлі шараның негізгі мақсаты оқушылардың кітап оқуға қызығушылығын арттыру, ізденушілік дағдыларын дамыту, жобалық қызметі негізінде сайыстың тақырыбына сай түрлі ақпараттық ресурстарды пайдалану.

Сайыста әр шаңырақ өз атауына сәйкес көрме дайындап, кітап мұқабасының тәтті нұсқасын жасады. Оқушылар өз жұмыстарын таныстырып, идеяларын әділқазылар алқасына ұсынды. Әділқазылар жұмысты 5 балдық жүйе бойынша бағалады: идеяның ерекшелігі, көркемдік шеберлігі және мазмұнның шаңырақ атауына сәйкестігі.

Ең жоғары ұпай жинаған шаңырақтар алдағы уақытта арнайы алғыс хаттармен марапатталады. Бұл ерекше шара оқушылардың кітапқа деген сүйіспеншілігін арттырып, шығармашылық ынтымақтастықтарын нығайтты.