Жазғы мектепте 500 оқушы бас қосты

Оқушыларға оқу бағдарламасы физика, ағылшын тілі, қазақ тілі, орыс тілі, Қазақстан тарихы, дүние жүзі тарихы, география, биология, химия, математика сабақтарын қамтыды. Сондай-ақ мектеп оқушылары үшін «IELTS», «3D денелердің моделін жасау», «Зымыран клубы», «Робототехника», «Химиядағы ойлау негіздері», «Қаржылық сауаттылық», «БҰҰ моделі», «Photocamp», «Генетика музыкасы», «Шығармашылық калейдоскоп», «Данышпандар академиясы», домбыра, актерлік шеберлік, хореография, сәндік-қолданбалы өнер үйірмелері, футбол, баскетбол, волейбол секілді спорт түрлері мен пікірсайыстар ұйымдастырылды. Сонымен қатар, студенттер Arduino платформасында электронды құрылғылар жасап, физика, химия, биология пәндерінен эксперименттер мен зертханалық жұмыстар жүргізді.