«Үйірмелер жәрмеңкесі» өтті

Ақтөбе қаласындағы NIS-те мектеп үйірмелерінің жәрмеңкесі өтті. Үйірме жетекшілері мен мұғалімдер балаларға түрлі түсті постерлер дайындап, сабақ бағдарламасымен таныстырды. Үйірме жүргізуге оқушылар да, 7-сынып оқушысы да ниет етті.

Үйірмелер пәндік-интеллектуалдық, шығармашылық-эстетикалық, спорттық және кәсіптік бағдар беруге арналған. Оқушылар үйірмелердің жұмысымен танысып, ұнағандарына жазылды.

Мақсат – оқушылардың бойындағы таланттарды ашу және спорттық дағдыларды, шығармашылық қабілеттерді дамыту. Қосымша білім беру педагогтарының айтуынша, үйірмелерге бару арқылы оқушылар өз уақытын тиімді пайдалануды үйренеді, өздерін жан-жақты дамыта алады.

Қазіргі уақытта 20-дан астам үйірме жұмыс істейді, олардың арасында:

– Театр
– Домбыра
– Мүсіндеу
– Вокал
– Хореография
– Гитара
– Бейнелеу өнері
– Тоғызқұмалақ
– Шахмат
– ТЕДх
– Уикипедия
– Құзға шығу
– Пікірсайыс клубы
– Шешендік өнер
– Шығармашылық шеберханасы
– Фотошоп негіздері, анатомиялық сурет
– Photocamp
– 3Д модельдеу
– Ерлер клубы