Ақтөбедегі NIS-те 5 тамыздан бастап «Ashyq» жүйесі енгізілді

Назарбаев Зияткерлік мектебіне келушілердің назарына

Ақтөбедегі Назарбаев Зияткерлік мектебінде 5 тамыздан бастап «Ashyq» жүйесі енгізілді.
⠀
«Ashyq» жүйесі – тұрғындарды коронавирус қаупінен қорғап, карантиндік шаралар кезінде мектепке өз қызметін жалғастыруға мүмкіндік береді. Яғни, азаматтар «Ashyq» қосымшасы арқылы арнайы QR-кодты сканерлейді және қосымшада көрсетілген тәуекел рейтингін ұсынады.
⠀
Мектептің аумағына кіру үшін ұялы телефоныңызда «Ashyq» қосымшасы орнатылған болу керек. Немесе Kaspi.kz қосымшасында Kaspi QR ашып, кіре берісте орнатылған «Ashyq» QR кодын сканерлеу қажет.
⠀
«Ashyq» жүйесі QR-кодты
пайдалану және ҚР Денсаулық сақтау министрлігінің жалпы базасымен интеграциялау есебінен келушінің мәртебесін анықтауға мүмкіндік береді.
⠀
Бұл шара қазірге кездегі коронавирустық инфекцияның одан әрі таралуына жол бермеу мақсатында қолға алынған.