Бүгін алғаш рет 🌱Ақтөбедегі Назарбаев Зияткерлік мектебінде 🧠«Мозгобойня» ойын-сайысы өтті. Мектебіміздің 8 жылдық мерейтойына орай ұйымдастырылған интеллекуталды дода мектеп қауымдастығын, оқушылар мен ата-аналардың басын біріктірді. «Жаса» ұйымы тарапынан өткізілген шара 7 кезеңнен тұрды. Әдебиет пен математика, тарих пен география және NIS Ақтөбе бағыттарында қойылған сауалдар көптің қызығушылығын оятты. Бастысы қатысушылар білімі мен біліктілігін, зейіні мен логикасын, сондай-ақ ұйымдастырушылық қабілеттерін шыңдады.
⠀
⁃ Ойын өте қызықты өтті. Нағыз білімділер сайысы екен. Көңіл-күйіміз көтеріліп, серігіп қалдық. «Білгенің бір тоғыз, білмегенің тоқсан тоғыз» демекші үйренуден, білуден жалықпайық. Ұйымдастырушыларға үлкен алғысымызды білдіреміз. Осы сәтті пайдаланып мектеп қауымдастығын келе жатқан туған күн мерекесімен құттықтаймыз, – деп тілек білдірді ата-аналар.
⠀
📌Білім алаңындағы бәсекелі дода жеңімпазы – «Пингвины» командасы болса, II жүлделі орынды «Незнакомые знакомцы» командасы иеленді, ал III орын «Острые пузырьки» тобына бұйырды. Шара соңында мектеп директоры Сәуле Умербекова сөз сөйлеп, ұйымдастырушылар мен қатысушыларға алғыс білдірді, сондай-ақ келе жатқан атаулы мерекемен құттықтап, жеңімпаздарға дипломдар мен сыйлықтар тарту етті.
Пользователи сегодня : 40
Пользователей за неделю : 233
Пользователей в месяц : 1623
Всего пользователей : 80383