Ақтөбедегі Назарбаев Зияткерлік мектебінің 11-сынып оқушысы Андрей Тимонин Қазақстан-Британ техникалық университетіне шақырту алды. Оның жұмысы «Caspian Startup-2021» байқауының финалында үздік жобалар қатарынан көрінді. Зияткер жаңартылған энергия көздерін тұтынатындар үшін еліміздегі барлық метеостанциялардағы метеодеректерді ұсынатын сайт жасақтады. Қоршаған ортаға зиянын тигізбейтін табиғи таза энергия өндіруді насихаттайтын жоба «MeteoHelper» деп аталады. Жетекшісі – физика пәні мұғалімі Мират Оспанов.
– «Caspian Startup-2021» байқауының финалына жету – жобамның болашағы бар дегенді білдіреді. Баламалы энергияны пайдалану әлем бойынша қолға алынған тенденция, қазақстандықтар да бұған бағытталып келеді. Менің жобам жаңартылатын энергия көздеріне негізделгендіктен алдағы уақытта жел генераторлары мен күн панельдерін орнатып, олардың күнделікті өмірімізге енуі үшін жұмыс жасайтын компанияға айналады деген сенімім мол. Сондай-ақ еліміздегі үздік техникалық университеттің білім грантын иелену мені ерекше қуантты, – дейді Андрей Тимонин.
Айта кетейік, «Caspian Startup» – Ақтау қаласындағы Назарбаев Зияткерлік мектебінің авторлық стартап байқауы. Сарапшылар мен кәсіпкерлерден жиналған конкурстық комиссияның назарына Қазақстан, Әзірбайжан және Түрікменстанның жас зерттеушілері қатысқан 89 жоба ұсынылды. Байқаудың ақтық сынына 15 жоба жолдама алды.
Пользователи сегодня : 3
Пользователей за неделю : 338
Пользователей в месяц : 339
Всего пользователей : 55111